Manufacturing ERP — Setup Guide

1. Shuru karne se pehle

Har software ek hi One Key account se milta hai: pehle account, phir demo, phir payment, aur payment ke baad software chalu ho jata hai. Ye kaam ek baar karna hota hai.

1. Account banao: onekeytechnology.com → upar Sign up free → naam, dukaan/company, mobile, email, city aur password bharo → Create account.
2. Email confirm karo: aapke email par "Confirm your email" mail aayega. Uska link dabao. Mail na dikhe to Spam folder bhi dekhein.
3. Login: onekeytechnology.com/customer/login par wahi email aur password daalo. Ye aapka One Key account hai: yahin aapke software, invoice, licence aur support sab milte hain.
4. Demo dekho: account me software ka naam chuno → Book free demo. Hamari team call ya WhatsApp par demo dikhayegi. Free trial nahi hai, sirf demo hai.
5. Payment: demo ke baad invoice aapke account me aata hai. UPI se pay karke "I have paid" dabao. Team payment check karegi.
6. Software chalu: payment pakka hote hi:
   • Cloud apps (Billing & Inventory, Retail POS, Sales CRM, HR & Payroll, WhatsApp Automation, Distribution ERP, Manufacturing ERP, Multi-company ERP, Ice Factory): account me Your cloud apps → Open app aa jata hai, aur email bhi aata hai. Neeche One Key Cloud me login wala hissa dekhein.

Kaun sa software kaise chalta hai

2. One Key Cloud me login aur staff

Cloud apps browser me chalte hain, kuch install nahi karna. Chrome ya Edge sabse achha chalta hai.

Malik (Owner) ke liye do raaste

1. One Key account (onekeytechnology.com/customer/login) → Your cloud apps → Open app →.
2. Ya seedha onekeytechnology.com/cloud/login par wahi email aur password.

Ek hi workspace me aapke saare cloud apps hote hain, aur items, grahak aur reports sab apps me ek hi rehte hain.

Staff ke login

1. Malik: left menu Team → Add a person → naam, email aur role chuno → Add person.
2. Screen par us vyakti ka password ek hi baar dikhega. Use bata do; wo baad me Settings me badal sakta hai.
3. Staff onekeytechnology.com/cloud/login par apne email aur password se login karega.

Kisi ko hatana ho to Team me uska status Disabled karke Save karo; wo turant bahar ho jata hai. Password bhool gaya ho to New password dabao.

3. Pehle din ka kaam: settings, items aur bill

Ye 5 kaam kar liye to GST bill banana shuru ho jata hai.

1. Settings: business ka naam, GSTIN, state, address, phone aur bill number ka prefix (jaise INV) bharo → Save. Yahi sab bill par chhapta hai. GSTIN nahi hai to khaali chhodo; bill "Bill of supply" banega.
2. Items daalo: Items & stock → + Add item → naam, code/barcode, HSN, unit, GST %, sale rate, purchase rate, opening stock. Service ke liye unit Service chuno (stock nahi ghatega).
   • Bahut items hon to Import from Excel: sample file download karo, bharo, CSV me save karke upload karo.
3. Grahak aur supplier: Customers & suppliers → + Add. GSTIN daalne par state apne aap aa jata hai.
4. Pehla bill: upar + New sale → grahak chuno → item ka naam ya code likh kar Enter → quantity aur rate → "Received now" me jitna paisa mila → Save bill. Bill page par Print / PDF aur WhatsApp button hain.
5. Purchase: Purchases → + New purchase → supplier, supplier ka bill number, items → Save. Stock badh jata hai.

Roz ke kaam

• Baad me paisa aaye to bill kholo → Record payment.
• Dashboard par aaj ki bikri, lena aur dena, aur kam stock wale items dikhte hain.
• Reports: sales register, purchase register, GST summary, outstanding, stock. Har report Download Excel (CSV) se CA ko bhej sakte ho.
• Galat bill (jisme payment na hua ho) ko Owner/Manager Cancel kar sakta hai; stock wapas aa jata hai.

4. Manufacturing ERP (BOM, production, costing)

Factory ya kuch banane wale kaam ke liye: kaccha maal kitna laga, pakka maal kitna bana, aur ek piece ki laagat kitni aayi.

Pehle din

1. Items & stock me kaccha maal (jaise maida, cheeni, dabba) unke purchase rate aur opening stock ke saath daalo. Pakka maal (jaise cookie pack) bhi item ke roop me daalo.
2. BOM / recipes → + New BOM → pakka item chuno → "This BOM makes" (jaise 100 pack) → har kaccha maal aur uski quantity, wastage % ke saath. Overhead me is quantity ki mazdoori, bijli, packing ka kharch likho → Make BOM. Upar ek piece ki laagat dikhti hai.
3. Team me production supervisor ko role Production do. Wo batch bana sakta hai, par laagat (cost) nahi dekhta.

Kya banana hai — Work orders

• Work orders → New work order → kya, kitna, kab tak. Dashboard par progress dikhta hai.
• Material shortage: saare khule work orders ke liye kitna kaccha maal chahiye, stock me kitna hai, aur kitna khareedna hai. Excel bhi download hota hai.

Roz ka kaam — Make a batch

1. Make a batch → BOM ya work order chuno → kitna banana hai → Work out materials.
2. BOM ke hisaab se kaccha maal dikhega. Jo asal me laga wo likho (zyada ya kam laga ho to badal do).
3. Asal me kitna bana wo likho → Save batch.
4. Kaccha maal stock se ghat jaata hai aur pakka maal stock me aa jaata hai. Ek piece ki laagat (kaccha maal + overhead ÷ bana hua maal) pakke item ka naya cost rate ban jaati hai.
5. Batch sheet Print kar sakte ho. Galti se bana batch Owner Reverse kar sakta hai, jab tak wo maal bika nahi hai.

Reports: mahine me kya kitna bana, yield % (plan vs asal), laagat, aur kaccha maal BOM se kitna zyada ya kam laga (wastage pakadne ke liye).

5. Plan, renewal aur support

• Har app ke upar aur One Key account me Paid until date dikhti hai. Date paas aane par account me "Renewal due" dikhega; wahin se payment karo ya humse sampark karo.
• Date nikalne ke baad 7 din grace: sab normal chalta hai, bas upar yaad dilane wala message aata hai.
• Uske baad workspace read-only: naye bill nahi bante, par purane bills, reports aur Excel download khule rehte hain.
• Aapka data kabhi delete nahi hota. Renew karte hi sab wahin se chalu.

Madad chahiye?

• WhatsApp / phone: +91 90766 11923
• One Key account → Support → Create Support Ticket (screenshot lagao to jaldi hal hota hai).

6. Aksar pooche jaane wale sawaal

In sab ke baad bhi dikkat ho to +91 90766 11923 par WhatsApp karo.